Karl Ove Hufthammer

Eg har i mange år abonnert på blant anna Bergens Tidende (#BT), og har vore godt fornøgd med det. Men i går sende dei meg e-post om at dei no tvingar oss abonnentar over på ei «betal eller bli spora»-ordning («Schibsted annonsevalg»). Dette er ei type ordning som #Forbrukarrådet skildrar som «veldig skadelig og ulovlig»: https://www.abcnyheter.no/nyheter/schibsted-skal-ta-betalt-for-a-ikke-hente-inn-personopplysninger-skadelig-og-ulovlig/1509422

Min «måte å tilpassa meg dette landskapet på, på ein transparent og ansvarleg måte» (for å bruka deira eigen ordlyd i grunngjevinga for innføringa av ordninga), er derfor å seia opp abonnementet!

Oppfordrar alle andre abonnentar til å gjera det same! (Same ordning vert innført for #Aftenposten, Stavanger Aftenblad, #VG, #E24 og Dine Penger og podkast­appen #Podme.)

Så i staden for at eg må betala nærare 500 kroner i året for å ikkje dela personopplysningar, sparar eg nærare 5 000 kroner i abonnements­utgifter (hadde «Full tilgang»-abonnement). Forslag til kva eg eg skal bruka dei sparte pengane på?

#allheimen #norsktut #PayOrConsent #PayOrOkay #Schibsted #forbrukerrådet #personvern

RE: @davidrevoy@framapiaf.org

Og her er den nynorske omsetjinga av stripa denne veka: https://www.peppercarrot.com/nn/miniFantasyTheater/051.html

Eg har ikkje tipsa om stripene frå dei siste vekene, så her kjem det, litt forseinka:

I episode 50 oppdaga eventyraren farane med lynreiser: https://www.peppercarrot.com/nn/miniFantasyTheater/050.html

I episoden før møtte han på manipulerande (interiør)design: https://www.peppercarrot.com/nn/miniFantasyTheater/049.html

På slutten av episode 48 kunne eventyraren kanskje minna litt om vår eigen Oskeladden, «som har slikt å gjera – har slikt å bera»: https://www.peppercarrot.com/nn/miniFantasyTheater/048.html

I episode 47 prøvde han lukka og utfordra skjebnen: https://www.peppercarrot.com/nn/miniFantasyTheater/047.html

Og i episode 46 fekk forkortinga KI ei ny tyding (iallfall i nynorskversjonen vår): https://www.peppercarrot.com/nn/miniFantasyTheater/046.html

#teikneseriar #tegneserier #nynorsk #norsk #frikultur #norsktut #allheimen

Eg har vidareutvikla skriptet «finn-relaterte-ord» – ei blanding av ei slags primitiv og ei avansert synonym­ordbok. No kan ein blant anna visa og filtrera ordklasse og skilja mellom ulike ord som har same stavemåte. Har òg laga ei nettside som viser mange eksempel på korleis ein kan bruka skriptet: https://huftis.org/artiklar/finn-relaterte-ord/

#språk #norsk #nynorsk #bokmål #ordbøker #norsktut #allheimen